នគរបាលប្រទេសអ៊ីស្រាអែលបានបង្ក្រាបការតវ៉ាកំណែប្រឆាំងនឹងការធ្វើកំណែទម្រង់ច្បាប់ ស្របពេលដែលអ្នករិះគន់ថា ទង្វើនេះគំរាមកំហែងដល់លទ្ធិប្រជាធិបតេយ្យ។ កាលពីថ្ងៃពុធ សប្តាហ៍នេះ ប៉ូលិសអ៊ីស្រាអែលបានប៉ះទង្គិចគ្នា ជាមួយនឹងក្រុមបាតុករដែលប្រមូលផ្តុំគ្នាប្រឆាំងនឹងកម្មវិធីកំណែទម្រង់ប្រព័ន្ធតុលាការរបស់រដ្ឋាភិបាល ដែលអ្នករិះគន់និយាយថា គំរាមកំហែងដល់លទ្ធិប្រជាធិបតេយ្យ ខណៈដែលសមាជិកសភាបានធ្វើការបោះឆ្នោតបឋមលើច្បាប់ដ៏ចម្រូងចម្រាស ចុងក្រោយនេះ។

អ្នកកាសែត AFP បាននិយាយថា ក្រុមបាតុករនៅទីក្រុង តែល អាវីវ (Tel Aviv) បានបិទផ្លូវមួយចំនួន ហើយប៉ូលិសបានប្រើគ្រាប់បែកដៃ កាណុងបាញ់ទឹក និងនគរបាលនៅលើខ្នងសេះ ក្នុងការប្រើប្រាស់កម្លាំងបង្ក្រាបដ៏កម្រ នៅក្នុងទីក្រុងឆ្នេរសមុទ្រមួយនេះ។

ប៉ូលីសបាននិយាយនៅក្នុងសេចក្តីថ្លែងការណ៍មួយថា មនុស្សចំនួន ៣៩ នាក់ត្រូវបានចាប់ខ្លួនពីបទ “ចោទប្រកាន់ថា កុប្បកម្មមិនគោរពតាមការណែនាំរបស់ប៉ូលីស”។ អ្នកនាំពាក្យនគរបាលបានប្រាប់ AFP ថា អ្នកតវ៉ាដែលរបួស១១នាក់បានមកដល់មន្ទីរពេទ្យ អ៊ីឈីលូវ (Ichilov) នៃក្រុង តែល អាវីវ (Tel Aviv) ។ បាតុករឈ្មោះថា ចូហាន់ កាណាល (Johann Kanal) អាយុ ៣៩ឆ្នាំ បានប្រាប់ AFP នៅទីក្រុង តែល អាវីវ ថា “ខ្ញុំនៅទីនេះដើម្បីលទ្ធិប្រជាធិបតេយ្យ ដើម្បីសិទ្ធិមនុស្ស និងយុត្តិធម៌” ។

បាតុករម្នាក់ទៀត ដែលជាមេធាវីផង ឈ្មោះថា ដាណា នីរ៉ុន (Dana Niron) អាយុ ៥១ឆ្នាំ បាននិយាយថា «យើងកំពុងបិទផ្លូវប្រសព្វទាំងអស់ យើងកំពុងបញ្ឈប់ចរាចរណ៍ទូទាំងប្រទេស ដោយសង្ឃឹមថា រដ្ឋាភិបាលបច្ចុប្បន្ននឹងយល់ថា យើងស្លាប់ធ្ងន់ធ្ងរ ហើយយើងនឹងធ្វើអ្វីគ្រប់យ៉ាងនៅក្នុងអំណាចរបស់យើងដើម្បីផ្លាស់ប្តូរផ្លូវបច្ចុប្បន្ន ដែលពួកគេកំពុងដើរ»។

នាយករដ្ឋមន្ត្រីអ៊ីស្រាអែល លោក បេនចាមីន ណេតានយ៉ាហ៊ូ (Benjamin Netanyahu) បានវាយបកវិញ នៅក្នុងសេចក្តីថ្លែងការណ៍តាមទូរទស្សន៍ ដោយលោកបានថ្លែងថា៖ «សិទ្ធិធ្វើបាតុកម្មមិនមែនជាសិទ្ធិបិទប្រទេសទេ» ដោយចោទបាតុករថាឆ្លងកាត់ «ខ្សែក្រហម»។

នាយករដ្ឋមន្ត្រីអ៊ីស្រាអែល នៅមុនការថ្លែងនេះ ក៏បានសង្កត់ធ្ងន់លើការគាំទ្ររបស់លោក ចំពោះប៉ូលីស ដែល “ធ្វើសកម្មភាពប្រឆាំងនឹងអ្នកបំពានច្បាប់ ដែលរំខានដល់ជីវិតប្រចាំថ្ងៃរបស់ពលរដ្ឋអ៊ីស្រាអែល”។

ការប្រមូលផ្តុំគ្នានៅទីក្រុង តែល អាវីវ បានកើតឡើងនៅពេលដែលសមាជិកសភា នៅទីក្រុងហ្សេរុយសាឡឹមបានអនុម័ត ក្នុងការអានសេចក្តីព្រាងច្បាប់បឋម ដែលកំណត់ឱកាសនៃការចោទប្រកាន់នាយករដ្ឋមន្ត្រី៕ ប្រភពពី AFP ប្រែសម្រួលដោយ៖ សារ៉ាត