កម្ពុជាក្នុងរយៈពេល ២៤ម៉ោងចុងក្រោយនេះ មានតួលេខឆ្លងកូវីដ១៩ ចំនួន២ករណីឡើងវិញ បន្ទាប់ពីមិនមានអ្នកឆ្លងសោះកាលពីម្សិលមិញ។ យោងតាមក្រសួងសុខាភិបាលការឆ្លងថ្មី២ករណីនៅថ្ងៃនេះ គឺជាការឆ្លងដែលកើតឡើងក្នុងរង្វង់សហគមន៍ទាំងអស់។ កម្ពុជារយៈពេលប្រមាណ ១ខែកន្លងមកនេះ ការឆ្លងបានថយចុះ ដោយមានតួលេខឆ្លងប្រចាំថ្ងៃមាន តិចតួចប៉ុណ្ណោះ និងថ្ងៃខ្លះមិនមានការឆ្លងសោះក៏មាន។

កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ២៧ម៉ឺន ៩ពាន់ ៦៣៧នាក់ហើយ ។ កម្ពុជាបច្ចុប្បន្នកំពុងរៀន រស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេសមាន ប្រមាណជាង ៩៥ភាគរយរួចមកនេះ ។