ភ្នំពេញ៖ នៅក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេស លើកទី៨ នៅមជ្ឍមណ្ឌលកោះពេជ្រ នាព្រឹកថ្ងៃទី៨ ខែមេសា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា គ្រប់វត្តអារាមទាំងអស់ទូទាំងប្រទេស គួរតែមាន ឧបករណ៍ភ្លេងពិណពាទ្យ ដើម្បីប្រើផង និងថែរក្សាអភិរក្សផង ។

ជាមួយគ្នានេះ សម្តេច សង្ឃឹមថា សប្បុរសជននានា នឹងជួយទិញ ប្រគេនឧបករណ៍ភ្លេងពិណពាទ្យ ទៅតាមបណ្ដាវត្តនានា ទូទាំងប្រទេសកម្ពុជា ។

សម្ដេចតេជោ បានបញ្ជាក់ថា ភ្លេងពិណពាទ្យភាគច្រើន គឺទុកនៅទី អារាម ដូច្នេះយើងគួរតែត្រូវលើកទឹកចិត្ដដល់ពុទ្ធបរិស័ទរបស់យើង ជួយទៅដល់ព្រះសង្ឃ ដើម្បីទីអារាមរបស់យើង មាននូវភ្លេងពិណពាទ្យ ៕
អត្ថបទ៖ ស៊ូ វណ្ណលុក, រូបភាព៖ វ៉េង លីមហួត និង សួង ពិសិដ្ឋ