ប៊ែលហ្វាស់៖ ប្រទេសអៀរឡង់ខាងជើងប្រារព្ធ ខួបលើកទី ២៥ នៃកិច្ចព្រមព្រៀងសន្តិភាពរបស់ បៀរឺណេស សានតូ (Viernes Santo) ដែលបានបញ្ចប់រយៈពេលបីទសវត្សរ៍ នៃជម្លោះអន្តរសហគមន៍ ដ៏បំផ្លិចបំផ្លាញ។

នៅថ្ងៃទី ១០ ខែមេសា ឆ្នាំ ១៩៩៨ ត្រូវបានចាត់ទុកជាថ្ងៃបរិសុទ្ធ ហើយមេដឹកនាំជាតិនិយមអៀរឡង់ ដែលភាគច្រើនជាកាតូលិក និងក្រុមសហជីពដែលគាំទ្រចក្រភពអង់គ្លេស ភាគច្រើនជាប្រូតេស្ដង់ បានឈានដល់កិច្ចព្រមព្រៀងសន្តិភាពមួយបន្ទាប់ពីការចរចា ម៉ារ៉ាតុង ដែលរដ្ឋាភិបាលទីក្រុងឡុងដ៍ ឌុលលីន និងវ៉ាស៊ីនតោនបានចូលរួម។ កិច្ចព្រមព្រៀងនេះបានបញ្ចប់អំពើហិង្សារយៈពេលបីទសវត្សរ៍ដែលបានឆក់យកជីវិតមនុស្សជាង៣.៥០០នាក់។

មួយភាគបួន នៃសតវត្សក្រោយមក បរិយាកាសកាន់តែឆ្លុះបញ្ចាំង ជាងការប្រារព្ធពិធីទៅទៀត តែលើកលែងតែនៅក្នុងទីក្រុងព្រំដែន ឡនដន់ ដឺរី (Londonderry) ជាកន្លែងដែលកុប្បកម្មបានផ្ទុះឡើង បន្ទាប់ពីប៉ូលីសត្រូវបានវាយប្រហារនៅក្នុងក្បួនដង្ហែរ ដែលមិនមានការប្រកាសឲ្យដឹងមុន ពីសំណាក់ក្រុមអ្នកប្រឆាំងសាធារណរដ្ឋ។ រថយន្តមួយគ្រឿងត្រូវបានគេដុតក្នុងអំឡុងពេលមានអំពើហិង្សាដែលមិនបណ្តាលឱ្យមានជនរងគ្រោះឡើយ ក៏ប៉ុន្តែ ប៉ូលីសបានអំពាវនាវឱ្យស្ងប់ស្ងាត់។

សមាជិកសភាអៀរឡង់ខាងជើង លោកស្រី ឃែលលី អានស្ត្រង (Kellie Armstrong) បានប្រតិកម្មនឹងសកម្មភាពរបស់ក្រុមប្រឆាំងទាំងនោះថា ជា “អ្វីដែលគួរឱ្យខ្មាស់អៀន” ហើយបានចាត់ទុកថាពួកគេជាទង្វើដែលបានប្រព្រឹត្តថា “ដោយអ្នកខ្លះដែលចង់ឱ្យអៀរឡង់ខាងជើង ត្រឡប់ទៅសម័យងងឹត” ។

ឥស្សរជននយោបាយជាច្រើននឹងទៅបំពេញទស្សនកិច្ចនៅអៀរឡង់ខាងជើង ក្នុងសប្តាហ៍នេះ ក្នុងចំណោមពួកគេ ក៏មានលោក បៃឌិន (Biden) ដែលមានដើមកំណើតអៀរឡង់។

នាយករដ្ឋមន្ត្រីអង់គ្លេស លោក រីស៊ី សុនណាក់ (Rishi Sunak) បាននិយាយ នៅក្នុងសេចក្តីថ្លែងការណ៍មួយថា “ថ្ងៃនេះយើងចងចាំការចាប់ផ្តើមនៃជំពូកថ្មីមួយនៅក្នុងប្រវត្តិសាស្រ្តនៃប្រជាជនអៀរឡង់” ។

ក្នុងប៉ុន្មានឆ្នាំបន្ទាប់ពីការចុះហត្ថលេខាលើកិច្ចព្រមព្រៀង ទាហានអៀរឡង់ខាងជើងបានដកហូតអាវុធ ព្រំដែនដីយោធាត្រូវបានរុះរើ ហើយកងទ័ពអង់គ្លេសបានដកខ្លួនចេញ៕ ប្រភពពី AFP ប្រែសម្រួលដោយ៖ សារ៉ាត