ភ្នំពេញ៖ ក្នុងជំនួបសំណេះសំណាលជាមួយគណៈប្រតិភូកីឡារបស់កម្ពុជា នាល្ងាចថ្ងៃទី០១ ខែឧសភា ឆ្នាំ២០២៣ មុនពួកគេចូលរួមប្រកួតកីឡាស៊ីហ្គេម លើកទី៣២ ដែលរៀបចំឡើងនៅកម្ពុជា សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានស្នើដល់គ្រប់ម្ចាស់ស្ថានីយផ្សាយទាំងអស់ សហការគ្នាផ្សព្វផ្សាយពីកីឡាស៊ីហ្គេម ឱ្យបានទូលំទូលាយ ព្រោះថា ពេលនេះជាមុខមាត់កម្ពុជា។

សម្ដេចតេជោ បានបន្ទោសដល់ក្រសួងព័ត៌មាន និងអគ្គនាយកទូរទស្សន៍ជាតិ ដែលបានខកខានផ្សាយផ្ទាល់ការប្រកួតបាល់ទាត់ស៊ីហ្គេមកាលពីថ្ងៃទី៣០ ខែមេសា និងបញ្ជាឱ្យរៀបចំឡើងវិញនិងស្នើដល់ម្ចាស់ស្ថានីយ៍ទូរទស្សន៍ទាំងអស់សហការគ្នាផ្សាយពីការប្រកួតកីឡាស៊ីហ្គេម តាមប្រភេទកីឡាផ្សេងៗគ្នាផងដែរ។

សម្ដេចអំពាវនាវដល់គ្រប់ស្ថានីយទូរទស្សន៍ថាពេលនេះ គឺជាពេលដែលកម្ពុជា ត្រូវរីកមុខមាត់៕អត្ថបទ៖ វណ្ណលុក, រូបភាព៖ វ៉េង លីមហួត និង សួង ពិសិដ្ឋ