តិចសាស់៖ យ៉ាងហោចណាស់មនុស្ស ៧ នាក់បានស្លាប់ នៅក្នុងហេតុការណ៍រថយន្តបុករះ នៅខាងក្រៅមជ្ឈមណ្ឌលជនចំណាកស្រុក នៅរដ្ឋតិចសាស់ សហរដ្ឋអាមេរិក។

ប៉ូលីសបាននិយាយថា មនុស្សយ៉ាងហោចណាស់ ៧ នាក់បានស្លាប់ កាលពីថ្ងៃអាទិត្យ នៅភាគខាងត្បូងរដ្ឋតិចសាស់ សហរដ្ឋអាមេរិក និងជាច្រើននាក់ទៀតបានរងរបួស នៅពេលដែលរថយន្តមួយគ្រឿងបានបើកឆ្លងសំដៅលើក្រុមមនុស្សកំពុងរង់ចាំ នៅចំណតរថយន្តក្រុងមួយ នៅខាងក្រៅមជ្ឈមណ្ឌលជំនួយជនចំណាកស្រុក។

ប៉ូលីសបាននិយាយថា ពួកគេចាត់ហេតុការណ៍នេះថា ជាឧប្បត្តិហេតុ ទោះបីជាសាក្សីម្នាក់បានប្រាប់ AFP ថា អ្នកបើកបរបានស្រែកជេរប្រមាថក្រុមនេះ មុនពេលបង្កើនល្បឿនក៏ដោយ។

អ្នកនាំពាក្យប៉ូលិសក្នុងតំបន់ លោក Martin Sandoval បានប្រាប់ AFP ថា រថយន្តស្ព័រពណ៌ប្រផេះ “បានឆ្លងកាត់ភ្លើងក្រហម ហើយបានបើកឆ្លងកាត់មនុស្សជាច្រើន” នៅម៉ោងប្រហែល ៨៖៣០ព្រឹក ក្នុងទីក្រុង Brownsville ដែលជាទីក្រុងព្រំដែននៅចុងខាងត្បូងបំផុតនៃរដ្ឋតិចសាស់។

លោក Martin Sandoval បាននិយាយទៀតថា មនុស្សប្រាំពីរនាក់បានស្លាប់ និងជិត ១០ នាក់ផ្សេងទៀត បានរងរបួស។

សាក្សីម្នាក់ឈ្មោះថា Luis Herrera ដែលដៃរបស់គាត់បានរងរបួសក្នុងឧបទ្ទវហេតុនោះ បានប្រាប់ AFP ថា ហេតុការណ៍គឺបានកើតឡើងភ្លាមៗ ហើយប្រភពបាននិយាយទៀត៖ «ស្ត្រីម្នាក់បានជិះឡានមកព្រមានពួកយើង ឲ្យចេញពីផ្លូវ៕

ប្រភពពី AFP ប្រែសម្រួលដោយ៖ សារ៉ាត