វ៉ាស៊ីងតោន ឌីស៊ី៖ ប្រធានាធិបតីអាមេរិក លោក ចូ បៃឌិនថា លោកខាងលិចបានធ្វើអ្វីគ្រប់យ៉ាង សម្រាប់អ៊ុយក្រែន។

ប្រធានាធិបតីអាមេរិកនៅតែមាន “សុទិដ្ឋិនិយមខ្លាំង” អំពី “ស្ថានភាពវិវត្ត” នៅអ៊ុយក្រែននេះជាអ្វីដែលលោកប្រធានាធិបតីអាមេរិក Joe Biden បានអះអាង បន្ទាប់ពីបានជួបជាមួយនាយករដ្ឋមន្ត្រីអង់គ្លេស Rishi Sunak នៅសេតវិមាន។

លោក Biden បានប្រាប់អ្នកយកព័ត៌មាន កាលពីថ្ងៃព្រហស្បតិ៍ សប្តាហ៍នេះ ក្នុងសន្និសីទសារព័ត៌មានរួមគ្នាជាមួយ Sunak ក្នុងទីក្រុង វ៉ាស៊ីងតោន ថា “យើងបានធ្វើអ្វីគ្រប់យ៉ាងដែលយើងអាចធ្វើបាន ជារួម ប៉ុន្តែជាបុគ្គលនៅក្នុងសហរដ្ឋអាមេរិក ដើម្បីធ្វើឱ្យពួកគេត្រៀមខ្លួនជាស្រេចដើម្បីគាំទ្រ … ” ។ លោកបានហៅការប៉ុនប៉ងដ៏ស្រពេចស្រពិលរបស់ក្រុងកៀវក្នុងការវាយប្រហារមួយថា ជា«ស្ថានភាពវិវត្តន៍មួយដែលយើងមានសុទិដ្ឋិនិយមខ្លាំង»។

ប្រធានាធិបតីអាមេរិកបានធ្វើអត្ថាធិប្បាយរបស់លោក ចំពេលមានរបាយការណ៍ដែលថា កងកម្លាំងអ៊ុយក្រែនបានរងការខូចខាត “យ៉ាងខ្លាំង” នៅពេលដែលពួកគេប្រយុទ្ធដើម្បីទម្លុះខ្សែការពាររបស់រុស្ស៊ីនៅក្នុងអតីតសាធារណរដ្ឋសូវៀត។

ទូរទស្សន៍ CNN បានទទួលស្គាល់ កាលពីថ្ងៃព្រហស្បតិ៍ថា កងទ័ពអ៊ុយក្រែនកំពុងជួប “ការតស៊ូខ្លាំងជាងការរំពឹងទុក” ហើយកំពុងតស៊ូដើម្បីទទួលបានយានជំនិះ ដែលផ្តល់ដោយលោកខាងលិចរបស់ពួកគេ តាមរយៈទីវាលដែលសម្បូរដោយគ្រាប់មីន។

ការវាយលុកដែលបានពិភាក្សាជាយូរមកហើយបានចាប់ផ្តើមជាមួយនឹងការវាយប្រហារទ្រង់ទ្រាយធំ កាលពីថ្ងៃអាទិត្យ ចុងសប្តាហ៍មុន។ យោងតាមក្រសួងការពារជាតិរុស្ស៊ី កងកម្លាំងអ៊ុយក្រែនបានបាត់បង់ទាហានជាង ៣៧០០ នាក់ រថក្រោះ ៥២ គ្រឿង និងរថពាសដែករាប់រយគ្រឿង ក្នុងអំឡុងពេលបីថ្ងៃដំបូង នៃការវាយប្រហាររបស់ពួកគេ៕ ប្រភពពី RT ប្រែសម្រួល៖ សារ៉ាត