បូស្តុន៖ អ្នកដំណើរទាំង៥នាក់លើនាវាមុជទឹក Titan ត្រូវបានអះអាងថា បានបាត់បង់ជីវិត បន្ទាប់ ទើបរកឃើញសាកសព។

អ្នកដំណើរ៥នាក់ដែលបានបាត់បង់ជីវិតនៅក្នុងមហាសមុទ្រអាត្លង់ទិក ដោយសារនាវាមុជទឹក Titan មួយគ្រឿងដែលពួកគេបានជិះនោះ ត្រូវបានគេរកឃើញបំណែក ដោយគេសន្និដ្ឋានថា មានការប៉ះទង្គិចនឹងអ្វីមួយ។

គួររម្លឹកថា នាវាមុជទឹកខ្នាតតូចឈ្មោះ Titan របស់ក្រុមហ៊ុន OceanGate ដែលបានធ្វើទេសចរទៅកាន់ទីតាំងខ្មោចកប៉ាល់ Titanic បានបាត់ខ្លួន តាំងពីថ្ងៃអាទិត្យ ចុងសប្តាហ៍មុន។

ឧត្តមនាវីទោ John Mauger ឆ្មាំសមុទ្រអាមេរិក បានចូលរួមរំលែកទុក្ខដល់ក្រុមគ្រួសារ។
លោកបញ្ជាក់ថា អ្នកដំណើរទាំងប្រាំនាក់នៅលើនាវាមុជទឹកបានបាត់បង់ កាលពីថ្ងៃអាទិត្យ នៅពេលដែលពួកគេបានធ្វើដំណើរទេសចរណ៍ ក្នុងមហាសមុទ្រអាត្លង់ទិកខាងជើងនៅពេលដែលកប៉ាល់បានរអិល ប៉ះទង្គិច នេះបើយោងតាមការរកឃើញដោយក្រុមជួយសង្គ្រោះ។

ក្រុមហ៊ុន OceanGate បាននិយាយនៅក្នុងសេចក្តីថ្លែងការណ៍មួយថា “បុរសទាំងនេះគឺជាអ្នករុករកពិតប្រាកដ ដែលបានចែករំលែកស្មារតីផ្សងព្រេង និងចំណង់ចំណូលចិត្តដ៏ជ្រាលជ្រៅសម្រាប់ការរុករក និងការពារមហាសមុទ្ររបស់ពិភពលោក” ។

មនុស្សទាំង ៥នាក់ នៅក្នុងនាវាមុជទឹកខ្នាតតូចនោះ រួមមាន មហាសេដ្ឋីអង់គ្លេស Hamish Harding, មហាសេដ្ឋីប៉ាគីស្ថាន លោក Shahzada Dawood និងកូនប្រុសរបស់លោក ឈ្មោះថា Dawood Suleman, ប្រតិបត្តិករនាវាមុជទឹកបារាំង Paul-Henri Nargeolet និង CEO របស់ក្រុមហ៊ុន OceanGate Expeditions លោក Stockton Rush៕ ប្រភពពី AFP ប្រែសម្រួល៖ សារ៉ាតប្រភពពី AFP ប្រែសម្រួល៖ សារ៉ាត