កូប៉ិនហាក៖ កប៉ាល់នេសាទត្រីធូណា នៅប្រទេសអេក្វាឌ័រ បានជួយសង្គ្រោះជនជាតិដាណឺម៉ាក ចំនួន៨នាក់ ដែលកាណូតកប៉ាល់។

កប៉ាល់នេសាទ នៅប្រទេសអេក្វាឌ័រ នាព្រឹកថ្ងៃទី២៣ ខែមិថុនាបានជួយសង្គ្រោះជនជាតិ ដាណឺម៉ាក ចំនួនប្រាំបីនាក់ ដែលកាណូតរបស់ពួកគេបានលិច នៅសមុទ្រប៉ាស៊ីហ្វិក ខណៈពេលដែលពួកគេកំពុងធ្វើដំណើរទៅកាន់ប្រជុំកោះ ប៉ូលីណេស៊ី (Polynesia) នៅប្រទេសបារាំង នេះបើតាមសមាគមត្រីធូណារបស់ប្រទេសអេក្វាឌ័រ Atunec បានប្រាប់អ្នកសារព័ត៌មាន។

សមាគម Atunec បាននិយាយនៅក្នុងសេចក្តីថ្លែងការណ៍មួយថា បន្ទាប់ពីទទួលបានការជូនដំណឹងអំពីការលិចកាណូត ក្រុមការងារបានចេញប្រតិបត្តិការ ជួយសង្គ្រោះនាវិកជនជាតិដាណឺម៉ាកទាំងប្រាំបីនាក់ ដែលបានរកឃើញថា ពួកគេស្ថិតក្នុងស្ថានភាពគ្រោះថ្នាក់។

ប្រតិបត្តិការសង្គ្រោះជនជាតិដាណឺម៉ាកដែលមិនត្រូវបានគេលម្អិតអត្តសញ្ញាណទាំងនេះ ត្រូវបានសម្របសម្រួលដោយឧទ្ធម្ភាគចក្រ ដែលអមដំណើរ និងបានហោះលើមហាសមុទ្រ រហូតដល់ពួកគេបានរកឃើញកប៉ាល់ដែលលិច។

លោក Benincasa នាយកប្រតិបត្តិនៃសមាគម Atunec បានប្រាប់ AFP ថា “ពួកគេនៅលើក្បូនជីវិត ជិតពីរថ្ងៃ មុនពេលក្រុមការងារបានរកឃើញពួកគេ” ៕
ប្រភពពី AFP ប្រែសម្រួល៖ សារ៉ាត