ខេត្តសៀមរាប បានរកឃើញអ្នកវិជ្ជមានជំងឺកូវីដ១៩ ថ្មី១២៣នាក់ និងស្លាប់២នាក់ថែមទៀត ក្នុងរយៈពេល២៤ ម៉ោងចុង ក្រោយនេះ។ នេះជាតួលេខឆ្លងកើនឡើងជាងម្សិលមិញចំនួន៧៣នាក់។

យោងតាមរដ្ឋបាលខេត្ត អ្នកឆ្លងថ្មីទាំង១២៣នាក់នោះ គឺជាអ្នកស្រុកជីក្រែង៦៦នាក់, ក្រុងសៀមរាប៣០នាក់, ស្រុកប្រាសាទបាគងម្នាក់, ស្រុកសូទ្រនិគម២នាក់, ស្រុកបន្ទាយស្រី២នាក់ ទៅពីខេត្តកំពង់ធំ២នាក់, និងពលករមកពីប្រទេសថៃចំនួន២០ នាក់។ ចំណែកអ្នកស្លាប់២នាក់រួមបុរសចំណាស់អាយុ៧៧ឆ្នាំនិងយុវជនម្នាក់អាយុ២៩ឆ្នាំ។

ខេត្តសៀមរាបមាន អ្នកឆ្លងជំងឺកូវីដ-១៩សរុបចំនួន១ពាន់២៦៩នាក់, ព្យាបាលជាសះស្បើយចំនួន៤៨៣នាក់និងអ្នកស្លាប់១៣នាក់។