ខេត្តកំពង់ឆ្នាំង មានករណីឆ្លង២០នាក់និងការស្លាប់២នាក់ក្នុងរយៈពេល២៤ម៉ោងចុងក្រោយនេះ។ យោងតាម រដ្ឋបាលខេត្ត អ្នកឆ្លងថ្មី ទាំង២០នាក់នោះ គឺជាពលរដ្ឋនៅក្រុងកំពង់ឆ្នាំង ,ស្រុករលាប្អៀ និងស្រុកបរិបូរណ៍។ ចំណែកអ្នកស្លាប់ថ្មីទាំង២នាក់ គឺជាស្ត្រីអាយុ៦១និងបុរសវ័យចំណាស់អាយុ៨០ឆ្នាំ។

កំពង់ឆ្នាំង គិតត្រឹមថ្ងៃនេះ មាន អ្នកឆ្លងកូវីដ១៩សរុបចំនួនជាង៦០៤នាក់ ,អ្នកជាសះស្បើយចំនួន៣៨៣នាក់  និងមានអ្នកស្លាប់១២នាក់។ រដ្ឋបាលខេត្តកំពង់ឆ្នាំងនៅថ្ងៃនេះផងដែរ បានប្រកាសបិទផ្សារសាលាលេខ៥ក្នុងភូមិ សាស្ត្រស្រុកកំពង់ត្រឡាច ក្រោយការរកឃើញថាមានអ្នកឆ្លងកូវីដ១៩ បានចេញចូលក្នុងផ្សារនោះ។