សម្តេចក្រឡាហោម ស ខេង បានវិលត្រលប់មកដល់ប្រទេសកម្ពុជាវិញហើយ ដែលដំណើរវិលត្រឡប់មកវិញ ថ្ងៃទី៦កញ្ញានេះ បានបញ្ចប់នូវរាល់ព័ត៌មានប្រឌិតនានារបស់មេខ្លោងក្រុមឧទ្ទាមដែលប្រើប្រាស់នយោបាយប្រ ជាភិថុតលើដំណើរទស្សនកិច្ចនៅក្នុងប្រទេសបារាំងនោះ។

ខុទ្ទកាល័យសម្តេចក្រឡាហោម ស ខេង បានចេញសេចក្តីជួនដំណឹងនៅថ្ងៃច័ន្ទនេះថា « បន្ទាប់ពីធ្វើដំណើរទៅកាន់សាធារណរដ្ឋបារាំង អស់រយៈពេល ០២សប្តាហ៍ ក្នុងធុរៈផ្ទាល់ខ្លួនដើម្បីពិនិត្យសុខភាព និងក្រោយពីទទួលការវះកាត់ដោយជោគជ័យពីវេជ្ជបណ្ឌិតបារាំង, សម្តេចក្រឡាហោម ស ខេង បានអញ្ជើញនិវត្តន៍មកដល់ព្រះរាជាណាចក្រកម្ពុជា ប្រកបដោយសុវត្ថិភាពនាព្រឹកថ្ងៃទី៦ កញ្ញាឆ្នាំ២០២១»។ មន្ត្រីខុទ្ទកាល័យបញ្ជាក់ថា «សម្ដេចក្រឡាហោម ស ខេង កំពុងធ្វើចត្តាឡីស័ក ស្របតាម គោលការណ៍សុខាភិបាលរបស់រាជរដ្ឋាភិបាលកម្ពុជា» ។

សម្តេចក្រឡាហោម ស ខេង ក្នុងដំណើរទស្សនកិច្ចឯកជនទៅកាន់ប្រទេសបារាំងដើម្បីធ្វើការព្យាបាលរវាងពីថ្ងៃ ២២សីហាដល់ថ្ងៃទី៦កញ្ញា ត្រូវបានមេខ្លោងក្រុមឧទ្ទាមឈ្មោះ សម រង្ស៊ី និងបក្ខពួក បានប្រើនយោបាយទុច្ចរិត និយាយបោកកុហកបង្កឲ្យមានការសង្ស័យថាសម្តេចឧបនាយករដ្ឋមន្ត្រីនិងជារដ្ឋមន្ត្រីក្រឡាហោម ស ខេង អាច ជាប់ ពាក់ព័ន្ធជាមួយនឹងទណ្ឌិត សម រង្ស៊ី ក្នុងគម្រោងបង្កើតរដ្ឋាភិបាលបង្រួមបង្រួមជាតិ។

ល្បិចស្វែងរកការញុះ ញង់បំបែកបំបាក់ផ្ទៃក្នុងគណបក្សប្រជាជនកម្ពុជានោះ ត្រូវបានពលរដ្ឋខ្មែរក្នុងនិងក្រៅស្រុក បានថ្លែងចំអកថាជាល្បិចល្ងង់ខ្លៅ និងជានយោបាយថោកទាប ដែលអ្នកនយោបាយសម័យ Digital នេះលែងប្រើប្រាស់ទៅហើយ៕