មនុស្សជំនិតរបស់ អ៊ុងសាន ស៊ូជី ត្រូវកាត់ទោសឱ្យជាប់ពន្ធនាគារ ២០ឆ្នាំ
ជំនួយការរបស់អ្នកស្រី អ៊ុងសាន ស៊ូជី គឺលោក Win Htein ជាអតីតសមាជិកសភាមីយ៉ាន់ម៉ា ត្រូវបានតុលាការពិសេសកាត់ឱ្យជាប់ទោសចូលពន្ធនាគារចំនួន ២០ឆ្នាំ ក្រោមបទក្បត់ជាតិ កាលពីថ្ងៃសុក្រកន្លងទៅ។ នេះបើតាមការលើកឡើងរបស់មេធាវីរបស់លោក។
បើតាមប្រភពខាងលើ លោកនឹងធ្វើការប្ដឹងតវ៉ាលើការកាត់ទោសនេះ។
បុរសវ័យ ៨០ឆ្នាំរូបនេះត្រូវបានចាត់ទុកថាជាបុរសដៃស្ដាំ របស់អ្នកស្រី ស៊ូជី។ លោកត្រូវបានចាប់ខ្លួន និងដោះលែងវិញ ខណៈពេលដែលលោកបង្ហាញពីជំហរប្រឆាំងនឹងការដឹកនាំរបស់អាជ្ញាធរយោធាកាលពីអតីតកាល។
បន្ថែមពីនេះទៅទៀត បុរសរូបនេះតែងតែនិយាយអំពីគោលជំហររបស់អ្នកស្រី អ៊ុងសាន ស៊ូជី នាពេលកន្លងទៅ។ លោកត្រូវបានចាប់ខ្លួន ៣ថ្ងៃក្រោយពីរដ្ឋប្រហារខែកុម្ភៈ បន្ទាប់ពីលោកនិយាយថា ការធ្វើរដ្ឋប្រហារនេះមិនមែនជាជម្រើសត្រឹមត្រូវ ហើយគិតថា អស់លោកខាងយោធាដឹកនាំប្រទេសខុសផ្លូវហើយ៕
ប្រភព៖ CNA
