ភាគហ៊ុនធ្លាក់ចុះភ្លាមៗ ដោយសារលេចឡើងវ៉ារ៉្យង់ថ្មី ដែលអាចនឹងរំខានសេដ្ឋកិច្ចបន្ថែមទៀត
កាលពីថ្ងៃសុក្រ ភាគហ៊ុនក្រុមហ៊ុន Dow Jones Industrial Average បានធ្លាក់ចុះភ្លាមៗជាង ១០០០ ពិន្ទុ ដោយសារការលេចឡើងវ៉ារ៉្យង់ថ្មី ដែលត្រូវបានរកឃើញដំបូងនៅអាហ្វ្រិកខាងត្បូង និងហាក់ដូចជា កំពុងរីករាលដាលពាសពេញពិភពលោក។
វិនិយោគិន មានភាពមិនប្រាកដប្រជាថា តើវ៉ារ្យ៉ង់នេះអាចបញ្ច្រាស់ខែនៃវឌ្ឍនភាពក្នុងការគ្រប់គ្រងជំងឺរាតត្បាតដែរ ឬទេ។
សន្ទស្សន៍ S&P ៥០០ បានធ្លាក់ចុះ ១០៦,៨៤ ពិន្ទុ ឬស្មើនឹង ២,៣% ពោលគឺធ្លាក់ចុះមកជិត ៤៥៩៤,៦២ ពិន្ទុរ ដែលតួរលេខនេះ ជាតួរលេខធ្លាក់ចុះអាក្រក់បំផុតសម្រាប់សន្ទស្សន៍គោលរបស់ Wall Street ចាប់តាំងពីខែកុម្ភៈ។
សន្ទស្សន៍នេះ ត្រូវបានទាញឱ្យធ្លាក់ ពីធនាគារ ក្រុមហ៊ុនធ្វើដំណើរ និងក្រុមហ៊ុនថាមពល ខណៈអ្នកវិនិយោគព្យាយាមរក្សាតំណែងរបស់ខ្លួនឡើងវិញ ដើម្បីការពារខ្លួនផ្នែកហិរញ្ញវត្ថុពីបម្រែបម្រួលថ្មីនេះ។ អង្គការសុខភាពពិភពលោក បានប៉ាន់ស្មានថា វ៉ារ្យ៉ង់នេះ អាចនឹងចម្លងខ្ពស់។
តម្លៃប្រេង បានធ្លាក់ចុះប្រហែល ១៣% ដែលជាការធ្លាក់ចុះដ៏ធំបំផុត ចាប់តាំងពីដើមឆ្នាំនៃជំងឺរាតត្បាតរាតត្បាត ខណៈពេលមានការព្រួយបារម្ភអំពីការធ្លាក់ចុះនៃសេដ្ឋកិច្ចពិភពលោក។
ប្រភព៖ USA Today
