សមត្ថកិច្ចរាជធានីភ្នំពេញ បានបង្ហាញករណីបង្ក្រាបគ្រឿងញៀនក្នុងរយៈពេល១ខែដែលមានការចាប់ខ្លួន ជនសង្ស័យ១២៤នាក់ក្នុងបទល្មើសគ្រឿងញៀន៧១លើក។

សេចក្តីរាយការណ៍បានបង្ហាញថាក្នុងចំណោមការ បង្ក្រាបគ្រឿងញៀន៧១ករណីនោះ គេបានចាប់គ្រឿងញៀនប្រមាណជិតមួយគីឡូក្រាមតែប៉ុណ្ណោះ។ សេចក្តី រាយការណ៍ចាប់គ្រឿងញៀននេះ ត្រូវគេបញ្ជាក់ថាតាមរយៈសមត្ថកិច្ចនគរបាលក្នុងរាជធានីតែប៉ុណ្ណោះ ដោយ មិនទាន់រាប់បញ្ចូលការបង្ក្រាបដោយមន្ទីរប្រឆាំងគ្រឿងញៀននោះឡើយ៕