គណបក្សដទៃនានាបានចូលរួមក្នុងការចេញសេចក្តីថ្លែងការណ៍គាំទ្រ និងទទួលយកលទ្ធផល ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥។

កាលពីម្សិលមិញគណបក្ស យុវជនកម្ពុជា, គណបក្សខ្មែរតែមួយ, គណបក្សសញ្ជាតិកម្ពុជា និងគណបក្សខ្មែររួបរួមជាតិ បានចេញសេចក្តីថ្លែងការណ៍រៀងខ្លួនបញ្ជាក់ការទទួលយកលទ្ធផលនិងការគាំទ្រដំណើរ ការបោះឆ្នោតថ្ងៃទី៥មិថុនាកន្លងមកនេះ។

នៅថ្ងៃទី៧មិថុនានេះ គណបក្សឯកភាពជាតិខ្មែរ, និងគណបក្សខ្មែរស្រឡាញ់ជាតិ បានចេញសេចក្តីថ្លែងការណ៍គាំទ្រ និងទទួលយកលទ្ធផល ការបោះឆ្នោត បើទោះបីជាមិន បានអាសនៈក្នុងក្រុមប្រឹក្សាឃុំនិងសង្កាត់ក្នុងការប្រកួតប្រជែង នេះក៏ដោយ។