កូរ៉េខាងជើងទទួលស្គាល់តំបន់ដែលទើបកាន់កាប់ដោយរុស្ស៊ីជារដ្ឋឯករាជ្យ
សាធារណរដ្ឋប្រជាធិបតេយ្យប្រជាមានិតកូរ៉េ ដែលជាប្រទេសមានសម្ព័ន្ធមិត្តជិតស្និទ្ធជាមួយប្រទេសរុស្ស៊ី បានប្រកាសទទួលស្គាល់សាធារណរដ្ឋប្រជាមានិត Donetsk (DPR) ដែលទើបវាយដំណើ្តមកាន់កាប់បានដោយកងព័ទ្ធរុស្ស៊ី ខណៈអ៊ុយក្រែនមិនទាន់បោះបង់ការវាយកាន់កាប់មកវិញ។
ឯកអគ្គរដ្ឋទូតកូរ៉េខាងជើងប្រចាំនៅប្រទេសរុស្ស៊ី លោក Sin Hong-chol បានប្រគល់សារតាំាងស្តីពីការទទួលស្គាល់របស់ទីក្រុងព្យុងយ៉ាងនៃសាធារណរដ្ឋប្រជាមានិត Donetsk (DPR) ជូនលោក Olga Makeyeva ដែលជាឯកអគ្គរដ្ឋទូត DPR ប្រចាំនៅទីក្រុងម៉ូស្គូ។ TASS
សាធារណរដ្ឋប្រជាមានិត Donetsk (DPR) ដែលជាតំបន់ទាមទារការផ្តាច់ខ្លួនចេញពីប្រទេសអ៊ុយក្រែន ហើយរុស្ស៊ីលើកទ័ពចូលលុកលុយអ៊ុយក្រែនដើម្បីគាំទ្រពួកគេ ដែលរហូតពេលនេះមានតែរុស្ស៊ីរុស្ស៊ីប៉ុណ្ណោះដែលទទួលស្គាល់ DPR។
TASS ដកស្រង់ខ្លឹមសាររបស់ស្ថានទូតកូរ៉េខាងជើងដែលអះអាងនៅក្នុងសេចក្តីថ្លែងការណ៍មួយនៅលើ Telegram កាលពីថ្ងៃពុធថា៖«ឯកអគ្គរដ្ឋទូតកូរ៉េខាងជើងលោក Sin Hong-chol បានបង្ហាញសារតាំង ស្តីពីការសម្រេចចិត្តរបស់សាធារណរដ្ឋប្រជាធិបតេយ្យប្រជាមានិតកូរ៉េ ក្នុងការទទួលស្គាល់ឯករាជ្យភាពនៃសាធារណរដ្ឋប្រជាមានិត Donetsk ដល់ លោក Olga Makeyeva ឯកអគ្គរដ្ឋទូត DPR»។
ឯកអគ្គរដ្ឋទូតបានឯកភាពលើជំហានបន្ថែមទៀតដើម្បីបង្កើតទំនាក់ទំនងការទូត។ Makeyeva បានបង្ហាញទំនុកចិត្តថា «កិច្ចសហប្រតិបត្តិការរវាងប្រទេសដែលឥឡូវនេះមានឋានៈជាផ្លូវការនឹងមានផ្លែផ្កានិងផលប្រយោជន៍ទៅវិញទៅមក»។
កាលពីថ្ងៃពុធ មេដឹកនាំទីក្រុង Donetsk លោក Denis Pushilin បានប្រកាសថា កូរ៉េខាងជើងបានទទួលស្គាល់ DPR ។ រដ្ឋមន្ត្រីការបរទេស DPR លោក Natalya Nikonorova បាននិយាយកាលពីថ្ងៃទី១២ ខែកក្កដាថា កិច្ចពិភាក្សាកំពុងដំណើរការជាមួយកូរ៉េខាងជើង លើការទទួលស្គាល់របស់ DPR ។
កាលពីថ្ងៃទី ២១ខែកុម្ភៈ ប្រធានាធិបតីរុស្ស៊ី លោក វ្ល៉ាឌីមៀរ ពូទីន Vladimir Putin បានប្រកាសទទួលស្គាល់សាធារណរដ្ឋប្រជាមានិត Donetsk និង Lugansk។ សន្ធិសញ្ញាស្តីពីមិត្តភាព កិច្ចសហប្រតិបត្តិការ និងជំនួយទៅវិញទៅមកត្រូវបានចុះហត្ថលេខាជាមួយថ្នាក់ដឹកនាំរបស់ពួកគេ។ រុស្ស៊ីបានបង្កើតទំនាក់ទំនងការទូតជាមួយ DPR និង LPR នៅថ្ងៃទី ២២ខែកុម្ភៈ ឆ្នាំ២០២២។ នេះបើតាមការចេញផ្សាយរបស់ TASS។
ទោះបីមានការដកថយពីតំបន់សមរភូមិមួយចំនួនដែលបានបង្កើនការវាយលុកដោយកទ័ពរុស្ស៊ី ប្រធានាធិបតីអ៊ុយក្រែនលោក វ៉ូឡូឌីមៀរ ហ្ស៊ីឡែនស្គី (Volodymyr Zelenskyy) កាលពីដើមខែនេះបានប្តេជ្ញាវាយដណើ្តមតំបន់ដែលបាត់បង់មកវិញ។ នេះបើតាមការចុះផ្សាយរបស់បណ្តាញសារព័ត៌មាននានា៕
ប្រភព៖ Yahoo
