កូរ៉េខាងត្បូងគ្រោងបន្តជំនួបស្តីពីគោលនយោបាយសិទ្ធិមនុស្សកូរ៉េខាងជើង
មន្ត្រីក្រសួងបង្រួបបង្រួម បាននិយាយកាលពីថ្ងៃចន្ទថា កូរ៉េខាងត្បូង នឹងរៀបចំជំនួបអន្តរទីភ្នាក់ងាររដ្ឋាភិបាលមួយស្តីពីគោលនយោបាយសិទ្ធិមនុស្សកូរ៉េខាងជើងនៅពេលក្រោយក្នុងសប្តាហ៍នេះសម្រាប់លើកដំបូងក្នុងរយៈពេលជាង២ឆ្នាំ ហើយនោះ។
ជំនួបនេះ នឹងត្រូវបានរៀបចំធ្វើឡើងនៅថ្ងៃព្រហស្បតិ៍ ខណៈដែលរដ្ឋបាលរបស់លោក Yoon Suk-yeol បានផ្តាស់ប្តូរទៅរកជំហរមួយយ៉ាងសកម្មក្នុងការដោះស្រាយបញ្ហាសិទ្ធិមនុស្សនៅកូរ៉េខាងជើង ជាការផ្លាស់ប្តូរមួយចេញពីរដ្ឋបាលមុនរបស់លោកម៉ូន ជេអ៊ីន។
លោកអនុរដ្ឋមន្ត្រីបង្រួបបង្រួម Kim Ki-woong គ្រោងធ្វើជាអធិបតីជំនួបដែលពាក់ព័ន្ធមន្ត្រីថ្នាក់អគ្គនាយកមកពីក្រសួងនេះ ក្រសួងការបរទេសនិងក្រសួងយុត្តិធម៌។ នេះបើយោងតាមការឱ្យដឹងពីលោក Cho Joong-hoon អ្នកនាំពាក្យបង្រួបបង្រួម។
លោក Cho បានថ្លែងប្រាប់សន្និសីទកាសែតមួយថា៖«ជំនួបនេះនឹងផ្តោតទៅលើការអនុវត្តគោលនយោ បាយសិទ្ធិមនុស្សរបស់រដ្ឋាភិបាលកូរ៉េខាងជើង និងពិភាក្សាអំពីបញ្ហានានាក្នុងនោះមានការព្រាងរបាយ ការណ៍របស់រដ្ឋាភិបាលស្តីពីស្ថានភាពសិទ្ធិមនុស្សបច្ចុប្បន្ននៅកូរ៉េខាងជើង។
ជំនួបនេះ ត្រូវបានរៀបចំធ្វើឡើងចុងក្រោយនៅខែឧសភា ឆ្នាំ២០២០។ ជំនួបបែបនេះដែរ ត្រូវបានចាប់ផ្តើមនៅក្នុងខែតុលាឆ្នាំ២០១៦ នៅក្រោមក្រិតអនវុត្តច្បាប់សិទ្ធិមនុស្ស៕
ប្រភព៖ YNA
